No encontro de bibliotecarios e temática LGTB celebrado o 30 de xuño e do que se deu información neste blog, contamos coa participación de Antonio Martínez do IES Afonso X de Cambre que nos falou das iniciativas levadas adiante no seu centro contra a discriminación por motivos de orientación sexual.
Agora contamos cunha nova iniciativa coordinada por este centro, o Seminario Permanente baixo o título A Comunidade educativa e a diversidade afectivo-sexual.
Con este texto de presentación o Seminario do IES quere contribuír a aportar o seu grao de area á visibilización LGTB no centro:
A diversidade afectivo-sexual, a adolescencia LGBT (Lesbianas, Gais, Bisexuais e Transexuais), necesita visibilizarse no curriculum e nos centros educativos, non quedar relegada o seu tratamento á boa vontade do profesorado formado e interesado. É necesario que A REALIDADE LGBT forme parte integral e visible do curriculum e que se trate específica e explicitamente nos diversos documentos do centro, nas diversas actividades do Instituto, etc.
Nesta liña de actuación prepararon unha Guia de Lectura e unha exposición dos fondos documentais sobre o lema Desmontando armarios.
biblioqueer
João Manuel Peres Lijó
anxoag
Grazas por difundir o noso traballo.
Un pracer poder facelo. Oxalá contemos con máis iniciativas deste estilo.
Un saúdo